Ելակի մուրաբա

Այս բաղադրամոսը վերցված է «Հայկական խոհանոց» ժողովածուից, որը կուտակված փորձի արդյունքում է ստեղծվել ու հրաշալի խորհրդատու է:

Այսպիսով, ելակի մուրաբա պատրաստելու համար հարկավոր է ընտրել ելակը, յուրաքանչյուր պտուղն ընկղմել կոնյակի կամ օղու մեջ, որից հետո հեռացնել պտղակոթունը:

Նախապատրաստած պտուղները լցնել թասի մեջ, վրան ավելացնել շաքարավազ` նախատեսված չափի կեսը: Մնացած շաքարավազից օշարակ եփել: Պատրաստի օշարակը վերցնել կրակի վրայից, ելակի պտուղները հյութի հետ լցնել մեջն ու թասը զգուշությամբ թափահարել, որ պտուղները ընկղմվեն օշարակի մեջ: Թասը դնել մարմանդ կրակի վրա ու եփել մինչև պատրաստ լինելը, իսկ վերջում քափը հեռացնել:

Եթե ելակը շատ հյութալի է, ապա 5-6 ժամ շաքարավազի մեջ պահելուց հետո պետք է վրան ավելացնել մնացած շաքարավազն ու եփել մինչև պատրաստ լինելը:

Չափաբաժինը. 1 կգ ելակին` 1,2 կգ շաքարավազ և 100 գ ջուր:

Հարցեր, պատասխաններ, մեկնաբանություններ